1. Umma Killa sangû Tarhuwas āli Nerik :
2. nepisas Tarhuwas EZEN
3. purulliyas uttar. Nu mān
4. kissan taranzi :
Single rule.
5. "udnē=wa māu, sesdu, nu=wa udnē
6. pahsanuwan esdu". Nu mān
7. māi, seszi, nu EZEN purulliyas
8. iyanzi.
Single rule.
9. Mān Tarhuwas Illuyankas=a
10. ina āli Kiskilussa arha tier,
11. nu=za Illuyankas Tarhuwan tarhta.
Single rule.
12. Tarhuwas=ta=as=a siunas hūmandus
13. mugāit...
14. Nu=za Inaras EZEN-an iet.
Single rule.
15. Nu hūman mekki handāit.
16. ĜEŠTIN-as palhi marnuwandas palhi,
17. walhiyas palhi, nu palhas
18. andan iyada iet.
Double rule.
19. Nu Inaras ina āli Ziggaratta pāit.
20. Nu Hūpasiyan antuhsan wemit.
Single rule.
21. Umma Inar Hūpasiya : "kāsa=wa !
22. Kī=ya kī=ya uttar iyami.
23. Nu=wa=mu=san ziqqa harphut !"
Single rule.
24. Umma Hūpasiya ana Inar :
25. "mā(n)=wa katti=ti sesmi, nu=wa uwami.
26. Kardiyas=tas iyami". N(u)=as katti=si sesta.
Single rule.
27. Nu Inaras Hūpasiyan pir pēhutet,
28. n(u)=an munnāit. Inarassaz
29. unuttat. N(u)=asta Illuyankan
1'. hattesnaz sarā kallista :
2'. "kāsa=wa=za ! EZEN-an iyami.
3'. nu=wa adanna akuwanna ehu !"
Single rule.
4'. N(u)=asta Illuyankas qadu mārīšu
5'. sarā uer. Nu=za eter, ekuir,
6'. n(u)=asta palha hūmanda ekuir,
7'. n(u)=e=za ninker.
Single rule.
8'. N(u)=e namma hattesnas kattanda
9'. nūmān pānzi, Hūpasiyas=a
10'. uit. Nu Illuyankan
11'. ishimanta kaleliet.
Single rule.
12'. Tarhuwas uit, nu=kan Illuyankan
13'. kuenta. Siunas=a katti=si eser.
Single rule.
14'. Nu=za=an Inaras peruni ser
15'. pir wetet...
16'. Nu Hūpasiyan andan parni
17'. asasta. N(u)=an Inaras
18'. watarnahhiskizzi : "mā(n)=wa gimra
19'. pāimi, zigga=war=asta luttanza
20'. arha lē autti.
21'. Mā(n)=war=asta arha=ma autti,
22'. nu=wa=za aššatka mārīka autti."
Single rule.
23'. Mān ešrā umū pāit, apās=a luttan
24'. arha suwāit, nu aššassu mārīšu austa.
Single rule.
25'. Mān Inaras=a gimraz appa
26'. uit, apās=a wesgawan dāis :
27'. "appa=wa=mu parna tarnā !"
n lines broken.
4". Nu=za mārta ša asiwandas
5". ana aššatīšu dāš. Nu=za apla hasta.
6". Mān=as sallesta=ma,
7". nu=za mārat Illuyankas
8". DAM-anni dās.
Single rule.
9". Tarhus DUMU-an watarnahheskizzi :
10". "mān=wa ana bīt aššatīka pāisi,
11". nu=wa=smas=(a)sta kir sakuwa=ya
12". wek."
Single rule.
13". Mān=as pāita, nu=smas kir
14". wekta. N(u)=at=si piēr.
15". Appezziyan=a=smas sakuwa=[ya]
16". wekta. Nu=si apē=ya piēr.
17". N(u)=at Tarhuni atti=si pēdās.
18". Nu=z(a)=(s)an Tarhuwas kir sakuwa=set=a
19". appa dās.
Single rule.
20". Mān esre=si appa
21". karūiliyatta lazziyatta,
22". n(u)=as namma aruni zahhiya pāit.
23". Mān=si zahhāin pāis,
24". n(u)=an=za namma Illuyankan
25". tarhuwan dāis. U mār Tarhuwas
26". Illuyankas katta.
27". Nu sarā nepisi atti=si
28". halzāis :
Single rule.
29". "Ammugga appa anda ep !
30". Lē=mu genzuwāisi !"
31". Nu=kan Tarhus Illiyankan
32". u mārīšu kuenta.
33". Nu kās apās Tarhuwas Illuyankas=a memiyas.